Роберто Карлос мини-футболда фаолиятини бошлади
Бразилия терма жамоаси афсоналаридан бири Роберто Карлос мини-футболда фаолиятини бошлади.
Globoesporte нашри тарқатган хабарга кўра 45 ёшли собиқ футболчи Япония клуби сафида тўп сурмоқда. У янги жамоасидаги дебют ўйинидаёқ 2та гол уришга эришди ва ушбу голлар якунда унинг жамоасига ғалаба келтирди.
Эътиборлиси, шу куни Роберто Карлоснинг ўйинини томоша қилиш учун ўйингоҳга 3015та томошабин ташриф буюрди. Одатда ушбу жамоа ўйинларига 1500дан ортиқ ишқибоз ташриф буюрмас эди.
Фикрлар