Роналду "Ювентус" шифокорларини ҳайратда қолдирди

“Ювентус” клуби шифокорлари жамоанинг янги аъзоси - Криштиану Роналдунинг тиббий кўрик натижаларидан ҳайратга тушишди.

Bein Sports журналисти Маттео Бонеттининг хабар беришича Роналдунинг соғлиги ҳудди 20 ёшли йигитникидек. 33 ёшли португалиялик футболчининг танасидаги ёғ миқдори эса бор йўғи 7 %. Таъкидлаш керакки, одатда унинг ёшидаги футболчиларда ушбу кўрсатгич 10-11 фоизни ташкил этади. Шу сабаб унинг танасидаги мушаклар 50 фоизни ташкил этади. Бу эса одатдагидан 4 фоизга кўп деганидир.

Эслатиб ўтамиз, Роналду “Ювентус” сафига “Реал”даги 9 йиллик фаолиятидан сўнг кўчиб ўтган эди.