Роналдунинг "Реал"ни тарк этиш асосий сабаби маълум қилинди

Ла Лига президенти Хавьер Тебаснинг сўзларига кўра, "Реал" собиқ ҳужумчиси Криштиану Роналду Испания чемпионатини бу давлатдаги солиқ ставкалари сабаб тарк жэтган.

33 ёшли португалиялик футболчи 10 июл куни "Ювентус" аъзосига айланган. У жамоа билан 4 йиллик шартнома имзолаган.

- Италияда Испания билан таққослаганда солиқ ставка камроқ. Роналду кўпроқ ишлаб олади, - дея Тебаснинг сўзларини келтиради Marca нашри. - Бизда буни фойдали деб бўлмайди. Агар солиқларни ҳисобга оладиган бўлсак, Испания - футболчилар пул йўқотадиган энг ёмон лигалардан бири. Биз бу муаммони ўйлаб кўришимиз керак. Бу чемпионатимизга салбий таъсир қилади.

Роналду "Реал" сафида 2009-2018 йилларда тўп сурган. Мадрид клуби билан у икки марта Испания чемпиони ва тўрт марта ЕЧЛ бош совринини қўлга киритган.