Сарри "Челси" раҳбариятидан мексикалик ҳужумчини сотиб олишни сўрамоқда

Аввал хабар берганимиздек Лондоннинг “Челси” клуби қишки трансферлар даврида ўзининг ҳужум чизиғини кучайтирмоқчи.

Берилган маълумотларга қараганда “аристократлар” бу борада ПСВ Эйндхов форварди Ирвинг Лосанони кўз остидарига олиб қўйишган. Аниқроғи, мексикалик футболчининг трансферини жамоа бош мураббийи Маурицио Сарри раҳбариятдан сўрамоқда.

Эслатиб ўтиш лозимки, бундан аввалроқ Лосанога Каталониянинг “Барселона” клуби ҳам жиддий қизиқиб қолгани ҳақида хабарлар тарқалган эди.

Маълумот учун, Ирвинг Лосано жорий мавсум ПСВ сафида жами 15та ўйинда майдонга тушди ва ўз ҳисобига 11та гол ҳамда 4та голли узатма ёздириб қўйишга эришди.