Sherzod A’zamov: "Metallurg" istalgan jamoaga munosib qarshilik ko‘rsata oladi

"Paxtakor" himoyachisi "Metallurg" bilan uchrashuv arafasida bellashuvdan nimalar kutayotgani haqida fikrlarini bildirdi.

- Jamoa o‘yindan-o‘yinga yaxshiroq harakat qilmoqda. Biz buni isbotlashga intilib ko‘ramiz. Raqib haqida gapiradigan bo‘lsam, ular istalgan raqibga munosib qarshilik ko‘rsatib kelishmoqda. Bir necha o‘yinlarda buni kuzatdik. Turnir jadvalida "Metallurg" egallagan o‘rin ham buni isbotlaydi.

Bellashuv biz uchun oson kechmasligi tabiiy. Bo‘lajak uchrashuv biz uchun juda muhim. Unda bizni faqat g‘alaba qoniqtiradi.