"Спорт" телеканалидаги тушунмовчиликлар ёхуд телеканал дастурлари ҳар куни ўзгарадими? (фотофакт)

Хабарингиз бор бундан аввал сайтимизда "Спорт" телеканали Суперлиганинг бугунги ўйинларини жонли эфирга узатмайдими?" сарлавҳали хабар чоп этилган эди.

Қарангки, ушбу хабаримиз Ўзбекистон миллий телерадиокомпаниясининг расмий (mtrk.uz) сайтидаги "Спорт" телеканалининг бугунги дастурларига асосланиб тайёрланган эди. Бироқ, сайтимиздаги хабардан бироз вақт ўтиб телеканал Сўғдиёна – АГМК (18:00) ҳамда “Насаф” – “Бунёдкор”  (20:00) учрашувларини олиб бериши ҳақида хабар тарқалди. Биз яна mtrk.uz расмий сайтига мурожаат қилдик. У ерда ҳамон Суперлига ўйинлари ҳақида лом-лум дейилмаган.

Жонли олиб берилиши айтилаётган Сўғдиёна – АГМК (18:00) учрашуви вақтида "Мураббий" телекўрсатуви, “Насаф” – “Бунёдкор”  (20:00) ўйин вақтида эса "Спорт маркет" ҳамда Оғир атлетика бўйича ёшлар ўртасидаги жаҳон чемпионати олиб берилиши кўрсатилган.

Шу ўринда ҳақли бир савол туғилади: "Спорт" телеканали ўз дастурларини ҳар куни ўзгартирадими?"

Телеканал мутасаддилари ушбу вазият юзасидан ўзларига тегишли ҳулоса чиқариб, келажакда ўз мухлисларига аниқроқ маълумот беришади деган умиддамиз.