"Суонси" Льорентени "Тоттенхэм"га сотишга рози бўлди, "Челси" эса доғда қолди

Уэльснинг “Суонси” клуби ҳужумчиси Фернандо Льоренте фаолиятини “Тоттенхэм”да давом эттирадиган бўлди.

ВВС Sportнинг хабар беришича клуб ёзги трансфер деразасининг сўнгги кунида 32 ёшли испаниялик футболчи борасида “шпорлар” билан келишувга эришган. Ушбу шартнома яқин вақтлар ичида расман имзоланиши кутилмоқда.

Таъкидлаш лозимки, “Тоттенхэм” бу борада ҳамшаҳари “Челси”ни доғда қолдирди. Боиси, “аристократлар” ҳам Льорентенинг хизматларига жиддий қизиқиш билдираётган эди.