Ads

Лондоннинг "Тоттенхэм" клуби форварди Фернандо Льоренте жамоадан кетишга жуда яқин турибди. Бу ҳақда The Independent нашри хабар бермоқда.

Юқоридаги манбаага кўра “Атлетик” Бильбао клуби раҳбарияти уни яна жамоага қайтаришмоқчи. Айтиш лозимки, 33 ёшли испаниялик футболчининг “шпорлар” билан амалдаги шартномаси жорий мавсум якунида ўз ниҳоясига етади ва улар қишда Льорентени сотиб юборишга мутлақо қарши эмас.

Маълумот учун, Льоренте “Атлетик” сафида жами 2005-2013 йилларда тўп сурган ва 327та ўйинда майдонга тушиб, ўз ҳисобига 111та гол киритишга эришган.

Эслатиб ўтамиз, бундан аввалроқ Льоренте Испанияга қайтиш ниятида эканлиги ҳақида айтиб ўтган эди.