УЕФА "Челси"ни жазолайди

Лондоннинг "Челси" клуби кеча "Мальмё"га қарши Европа лигаси 1/16 финал дастлабки баҳсидан сўнг УЕФАдан айбловлар қабул қилиб олди.

Sky Sports нашри тарқатган хабарга кўра бунга “аристократлар” мухлисларининг Швециядаги ўйинда амалга оширган нотўғри хатти-ҳаракатлари сабаб бўлгани айтилмоқда. Гап шундаки лондонлик мухлислар шу куни майдонга турли буюмларни улоқтириш билан бирга майдонда югуриб юришган.

УЕФА тартиб-интизом қўмитаси ушбу ҳолатни 28 март куни кўриб чиқади.