УЕФА "Милан"ни мукофот пулларидан маҳрум қилмоқчи

Италиянинг "Милан" клуби Европа лигасида иштирок этганлиги учун бериладиган мукофот пулидан маҳру этилиши мумкин. Бу ҳақда Football Italia нашри хабар бермоқда.

“Россонерилар” президенти Паоло Скаронининг сўзларига кўра УЕФА айнан шу йўл билан молиявий фэйр-плей қоидасини бузгани учун унинг жамоасини жазоламоқчи. Таъкидлаш керакки, гап 2,5 млн евро ҳақида кетмоқда.

Эслатиб ўтамиз, миланликлар мавсум бошида айнан молиявий фэйр-плей қоидасига амал қилмаганлари учун УЕФА томонидан Европа лигасида иштирок этишдан маҳрум этилишган эди. Аммо, кейинчалик спорт арбитраж суди ушбу қарорни бекор қилган эди.

Маълумот учун, “Милан” мусобақанинг ўтган 2та туридан сўнг “F” гуруҳида пешқадамлик қилмоқда.