Уэлбек фаолиятини Лондоннинг бошқа бир клубида давом эттириши мумкин

Лондоннинг "Арсенал" клуби форварди Данни Уэлбек бошқа бир Лондон жамоасига кўчиб ўтиши мумкин.

Гап шундаки, 27 ёшли англиялик футболчининг амалдаги шартномаси жорий мавсум якунида ўз ниҳоясига етади. “Канонирлар” эса ҳалигача унга янги шартнома таклиф қилишмади.

The Sun нашри тарқатган хабарга кўра Уэлбек билан содир бўлаётган воқеаларни "Кристал Пэлас" жиддий кузатиб бормоқда. Улар мавсум тугашини кутиб ўтиришмоқчи эмас ва қишки трансферлар чоғидаёқ Уэлбек учун “Арсенал”га 11,5 млн евро таклиф қилишмоқчи.

Маълумот учун, Уэлбек жорий мавсум "Арсенал" сафида АПЛда жами 8та ўйинда майдонга тушиб, ўз ҳисобига 1та гол ҳамда 1та голли узатма ёздириб қўйишга эришди.