Урганчда мураббийлар малакасини оширишга қаратилган семинар бўлиб ўтмоқда

Ўзбекистон футбол ассоциацияси томонидан мамлакатимиздаги мураббийларнинг малакасини мунтазам равишда ошириб бориш ва мураббийлик соҳасини ривожлантириш мақсадида турли семинарлар ўтказиб келинмоқда. 

Жумладан, Урганч шаҳрида Хоразм вилояти ва Қорақалпоғистон Республикаси болалар-ўсмирлар футбол академиялари мураббийларининг малакасини ошириш мақсадида семинар ўтказилмоқда. Бу ҳақда ЎФА матбуот хизмати хабар берди.

Мазкур семинар ЎФА Мураббийлар тайёрлаш бошқармаси директори Шавкат Имамов томонидан олиб бориляпти. Семинар якунлари бўйича қатнашчилардан имтиҳонлар олинади. Имтиҳонлардан муваффақиятли ўта олмаган мураббийларнинг сертификат ва лицензияси бекор қилинади.