"Вест Хэм" А Серия юлдузларидан бирини АПЛга олиб келмоқчи

Лондоннинг "Вест Хэм" клуби "Торино" форварди Андреа Белоттини ўз сафига қўшиб олмоқчи. Бу ҳақда Football Italia  нашри хабар бермоқда.

Унга кўра “болғачилар” 25 ёшли италиялик футболчини тез орада жамоадан кетиши айтилаётган Марко Арнаутовичнинг ўрнига муносиб кўришмоқда. Бунинг учун улар туринликларга 40 млн евро беришга тайёр, бироқ “Торино” 60 млн евро сўрамоқда.

Маълумот учун, Белоттининг шартномасига кўра товон пули 100 млн еврони ташкил этади. У жорий мавсум “Торино” сафида жами 21та ўйинда майдонга тушди ва ўз ҳисобига 9та гол ҳамда 2та голли узатма ёздириб қўйишга эришди.