“Вест Хэм”га “Челси” дарвозабони керак эмас
Тажрибали дарвозабонга эҳтиёжи бўлган “Вест Хэм” ёзда “Челси”нинг захира дарвозабони Асмир Беговични олиши ҳақида хабарлар тарқатилган эди.
Лондон клуби бош мураббийи Славен Билич бу хабарларни инкор қилди ва жамоа Асмир Беговичга қизиқиш билдирмаганини таъкидлади.
- Бизни кўп футболчиларга қизиқаётганимизни ёзишади, - деди Славен Билич. – Асмир Бегович масаласи ҳам шулардан бири. Дарвозабон масаласи жамоада мени хотиржам қиладиган ягона нуқта.
Славен Билич айни пайтда жамоа дарвозасини қўриқлаётган Рандольф ва Адрианнинг ўйинидан қониқаётганини ва келаси мавсум ҳам уларга имконият беришини маълум қилди.
Фикрлар