Хабиб Мэйвезер билан куч синашиши мумкин

Россиялик UFC чемпиони Хабиб Нурмагомедов собиқ жаҳон чемпиони Флойд Мэйвезер билан жанг қилишга тайёр эканлигини эълон қилди.

- Флойд 50-0га қарши 27-0. Мен жанг қилишга тайёрман. Бирор марта ҳам мағлубият нималигини билмасдан келаётган икки спортчилар куч синашишади, ажойиб беллашув бўлишиги ишонаман. Ўрмонда фақатгина бирта қирол бўлиши даркор, у қирол ҳам мен! Флойд МакГрегорни ер тишлата олмади, мен эса оссонгина бунинг уддасидан чиқдим, - деди Нурмагомедов боксчининг менежери Дехуан Блэйкнинг инстаграмдаги саҳифасида.

Эслатиб ўтамиз, Хабиб UFC 229 турнири доирасида Конор МакГрегорни бўғиб олиб таслим бўлишга мажбур қилганди. Мэйвезер эса МакГрегорни бокс қоидалари бўйича бўлиб ўтган баҳснинг 10-раундида техник нокаутга учратишга муваффақ бўлганди.