Хабибулина Туркиядаги турнирни муваффақиятли бошлади

Айни кунларда Туркиянинг Анталя шаҳри аёллар ўртасидаги мукофот жамғармаси 15 000 АҚШ долларини ташкил этувчи турнир бўлиб ўтмоқда.

Мазкур турнирда ҳамюртимиз Альбина Хабибулина ҳам иштирок этмоқда. У бугун илк даврадаги ўйинини  ўтказди.

Турнирнинг 5-тартиб рақами остида сараланган Хабибулинага илк даврада италиялик Франческа Целла рақибалик қилди.

1 соат 18 дақиқа давом этган қарама-қаршиликда Альбина 6:4, 6:3 ҳисобидаги ғалабани қўлга киритди.

Энди унга иккинчи даврада хорватиялик Ана Бишкич рақибалик қилади.