"Ювентус" ҳамон Кьеллинини кўндира олмаяпти

Туриннинг “Ювентус” клуби раҳбарияти жамоанинг мавсум сўнггида шартномаси якунланадиган тажрибали ҳимоячиси Жоржо Кьеллини билан келишувни яна 2 йилга узайтиришни режалаштирмоқда.

Calciomercato нашри тарқатган хабарга кўра “кекса синьора” сўнгги 2 ҳафта давомида бу борада 33 ёшли футболчининг вакиллари билан боғланган, аммо якунда ҳеч қандай келишувга эришолмаган.

Эслатиб ўтамиз, “Ювентус” мавсумлар оралиғида ўзининг яна бир етакчи ҳимоячиси Леонардо Бонуччини “Милан”га сотиб юборган эди.