"Ювентус" янги мавсум учун чиқарилган барча абонементларни сотиб бўлди

Криштиану Роналдунинг “Ювентус”га кўчиб ўтиши жамоанинг молиявий ишларини ҳам анча илгарилатиб юборди.

Берилган маълумотларга кўра туринликлар айнан португалиялик футболчининг трансферидан сўнг янги мавсум учун чиқарилган 29 300 дона йиллик абонементларни бор йўғи 3 кунда сотиб бўлди ва ундан 30 млн евро даромад кўрди.

CalcioNews24 тарқатган хабарга кўра абонемент эгаларининг 95 фоизи уни узайтирган бўлса, қолган 5 фоизи эса клуб аъзоларига берилган. Шундан келиб чиқиб айтиш мумкинки, абонементларни эркин сотувга чиқаришга ҳам хожат қолмаган. Айтиш лозимки, абонементларнинг бу йилги нархи ўтган йилгисидан нақд 30% га қимматлаган.