"Ювентус"нинг асосий футболчиларидан бири узоқ муддатга сафдан чиқди

Туриннинг "Ювентус" клуби форварди Марио Манжукич камида 3-4 ой майдонга туша олмайди.

Хабарларга қараганда 32 ёшли хорватиялик футболчининг сонидан олган жароҳати жиддий бўлиб чиқди. У тез орада жарроҳлик столига ётқизилади.

Бунинг ортидан эса "кекса синьора" ижара асосида "Милан"да тўп сураётган ҳужумчиси Гонсало Игуаиннини ортга қайтариши мумкин.

Маълумот учун, Манжукич “Ювентус” сафида 2015 йилдан буён тўп суриб келмоқда. У жорий мавсум туринликлар сафида жами 21та ўйинда майдонга тушди ва ўз ҳисобига 9та гол ва 4та голли узатма ёздириб қўйишга эришган. Унинг амалдаги шартномаси 2020 йилга қадар имзоланган.