А Серия: 9-турнинг марказий учрашувида Гаттузо Фонсека жамоасини янчиб ташлади

Италия чемпионати 9-тури доирасида "Наполи" ўз майдонида "Рома"ни қабул қилиб, йирик ҳисобдаги ғалабани қўлга киритди.

Ўйин неаполликларнинг тўлақонли устунлигида ўтди. Учрашувнинг 31-дақиқасида Лоренцо Инсинье жарима зарбасини голга айлантириб, жамоасини олдинга олиб чиқди. Иккинчи таймда Фабиан Руис узоқ масофадан аниқ зарба йўллаб, ҳисобни иккитага етказиб олди. Ўйиннинг 81-дақиқасида Дрис Мертенс дарвозабондан қайтган тўпни дарвозага осонлик билан жойлаб қўйди. Сўнгги дақиқаларда эса Маттео Политано ҳимоячи ва дарвозабонни алдаб ўтиб, очиқ қолган дарвозани ишғол қилди.

Шу тариқа, "Наполи" ва "Рома" 9 ўйинда бир ҳил 17 очко тўплаб, турнир жадвалида 5 ва 6 ни ўринларга жойлашиб олишди.

Ушбу ўйин сайтимиз томонидан матнли трансляция қилинди.