А Серия. "Ювентус" йирик ҳисобдаги ғалабани тантана қилди

Италия А Серияси 8-тури доирасидаги "Ювентус" - "Болонья" учрашуви якунланди. Қизиқарли ва кескин курашларга бой ўтган баҳсда туринликлар йирик 3:0 ҳисобидаги ғалабани қўлга киритди.

Ўйиндаги ҳисоб 24-дақиқада очилди. Влаховичнинг ажойиб узатмасидан кейин Флипп Костич ўз ҳисобига битта гол ёздириб қўйди. Иккинчи тайм бошида сербиялик футболчининг ўзи жамоасининг иккинчи голига муаллифлик қилди - 2:0.

Душаннинг голидан бироз вақт ўтиб, "кекса синьора" орадаги фарқни янада йириклаштирди. Аркадиуш Милик Турин клубининг 3-голини киритиб, баҳсга нуқта қўйди.