Аббосбек Файзуллаев: "Фақат шундай ёндашув билан катта ғалабалар қўлга киритилади"

Россия Премьер-лигасининг 11-турида ЦСКА ва "Динамо" жамоалари ўйнади ва унда "армиячилар" 2:1 ҳисобида ғалаба қозонди. 

Легионеримиз Аббосбек Файзуллаев учрашувни асосий таркибда бошлади ва 17-дақиқада супер зарбаси билан ҳисобни очди. Беллашувдан сўнг ўзбекистонлик футболчи ўз фикрлари билан ўртоқлашди. 

"Ажойиб жамоавий ғалаба билан барча муҳлисларимизни табриклайман.Фақат шундай ёндашув билан катта ғалабалар қўлга киритилади.Барча қўллаб-қувватлаган муҳлисларимизга катта раҳмат", - дея изоҳ қолдирди ҳамюртимиз ижтимоий тармоқдаги саҳифасида.

Эслатиб ўтамиз, ЦСКА кечаги ғалабадан сўнг 20 очко жамғарган ҳолда РПЛ турнир жадвалида 4-ўриндан бормоқда.