Аббосбек Файзуллаев "Газиантеп"га қарши учрашувдан сўнг нималар деди?

Ўзбекистон миллий терма жамоамиз футболчиси Аббосбек Файзуллаев "Газиантеп"га қарши беллашувдан сўнг ўз фикрлари билан ўртоқлашди. Маълумот ўрнида, ёш ўйинчимиз ушбу ўйинда 1 та голни ўз ҳисобига ёздириб қўйди. 
 
Сиз бугун яхши ассистлар бердингиз ва гўзал гол урдингиз. Бугунги ўйиндан кейинги фикрларингиз қандай? 
 
— Ҳа, мен гол уриш ва жамоага ғалаба келтиришдан хурсандман. Бу танаффусдан олдин жуда муҳим эди ва мен таътилда уч очко ва гол билан боришдан жуда бахтиёрман. 

 
Жамоа билан биргаликда сиз яхши ҳам кайфиятдасиз ва яхши ўйин кўрсатяпсиз. Шу ҳақида: 
 
— Бошланиши хоҳлаганимдек бўлмади. Мавсум бошида ҳужжатлар билан қийналдим. Кейин жароҳат олдим. Мен бунга ўзимни айблайман ва жуда кўп ишладим, мураббий менга ишонч билдирди. Охирги тўрт ўйинда, менимча, ҳаммаси хоҳлаганимдек ривожланмоқда. 
 
Элдор Шомуродов билан муносабатларингиз қандай? 
 
— Бизнинг муносабатларимиз жуда яхши. Шомуродов ва унинг оиласи билан яхши муносабатимиз бор. Шунингдек, мен учун у билан ўйнаш ёқимли. Чунки Элдор тажрибали футболчи ва мен унинг ўйинини кузатиб, унга қараб ўсиб бормоқдаман. Мен юртдошим билан ўйнашдан хурсандман. Бундан ташқари, у менга кўп ёрдам беради, чунки биз ёнма-ён уйда яшаймиз ва бу мен учун қулайдир. 



Ўзбекистонлик футбол мухлислари сизлар туфайли Туркия Суперлигасини кузатиб боришмоқда. Шу ҳақида фикрларингиз қандай? 
 
— Ҳа, менимча, улар бизга кўпроқ эътибор беришади ва жуда қўллаб-қувватлашади. Бизнинг миллатимиз ҳар доим бизни қўллаб-қувватлайди, бошқа мамлакатларда ва ўзимизнинг мамлакатимизда ўйнайдиган футболчиларни ҳам руҳлантиришади​. Биз мухлисларимиздан катта ёрдам оламиз ва уларни бахтли қилишдан хурсандмиз.