Абрамов бошчилигидаги "Динамо" қирғиз клубини ёшлардан иборат таркиб билан мағлуб этди!

Ўртоқлик ўйини доирасидаги иккинчи ўйинида ҳам "Динамо" қирғиз клубини мағлуб этди. Бу ҳақда клуб матбуот хизмати хабар берди. 

"Динамо" жамоаси Иссиқкўлдаги йиғин доирасида Ўшнинг "ОшМУ-Алдиер" жамоасига қарши иккинчи ўйинини ўтказди.

Бу баҳсда Вадим Абрамов асосан ёшлардан иборат таркибни майдонга туширди. Шунга қарамай, "арслонлар" бу баҳсда ҳам "ОшМУ-Алдиер"ни таслим эта олди.

Абубакир Мўйдинов ҳисобни очган бўлса, Элнур Саитмуротов ва Валерий Акопов ҳисобни 3:1 га етказди. Меҳмонлардан ягона гол Акмал Йўлдошев номига ёзилди", - дейилади хабарда.

18 июль (сешанба), Ўртоқлик ўйини. Иссиқкўл.

"Динамо" - "ОшМУ-Алдиер" - 3:1.

Голлар: Абубакир Мўйдинов 47, Элнур Саитмуротов 62, Валерий Акопов 69 пенальти – Акмал Йўлдошев 50.