Африка Миллатлар кубоги. Диас кетма-кет 4-ўйинда гол урди ва жамоасини чорак финалга олиб чиқди

Африка Миллатлар кубоги плей-оффнинг навбатдаги тўқнашувида Марокаш терма жамоаси Танзанияни Браим Диаснинг голи эвазига мағлуб этиб, чорак финалга йўл олди. 
 
"Реал Мадрид" ҳужумчиси гуруҳ босқичининг барча учрашувида гол урган эди. Бугун ҳам ўз ҳисобига гол ёздириб қўйиб, турнирдаги тўртинчи голини киритди. Шунингдек, Диаснинг бугунги голига Ашраф Ҳакими ассистентлик қилди. 
 
Маълумот ўрнида, Марокаш терма жамоаси чорак финалда Жанубий Африка - Камерун ғолиби билан куч синашади.