Африка термаси Анчелотти уларни жаҳон чемпиони қилишини айтмоқда

Кот-д’Ивуар спорт вазири Клод Паулин Данхо “Реал”да сўнгги мавсумини ўтказаётгани айтилаётган Карло Анчелотти Африка жамоасини жаҳон чемпиони қилишига ишонмоқда.

- Агар Карло Анчелотти “Реал”даги ишини тугатиб, бизга келадиган бўлса, уни бағримизни очиб кутиб оламиз.

Италия футболи бизга ҳар доим намуна бўлиб келган. Биздаги истеъдод эгаларига Анчелотти каби ажойиб мураббий устозлик қилса, жаҳон чемпионатида ғолиб чиқамиз, - деди Данхо.

Данхонинг бу таклифни бергани бежиз эмас. Аввал италиялик мутахассис Кот-д’Ивуар терма жамоасини бошқариш истаги борлигини билдирганди. Бу терма жамоа Қатардаги жаҳон чемпионатига чиқа олмаган.