Афсонавий Эвандер Холифилд яна рингга қайтмоқда. Жанг санаси ва рақиб маълум бўлди

Супер оғир вазн вазнда собиқ жаҳон чемпиони Эвандер Холифилд 5 июнь куни Кевин Мак Брайдга қарши 8 раундлик (ҳар бир раунди 2 дақиқалик) жангда рингга кўтарилади. Ушбу баҳс "Тiller" компанияси томонидан ташкил этиладиган Теофимо Лопес ва Жорж Камбобос жанги кечаси иккинчи асосий учрашув сифатида бўлиб ўтади ва пуллик трансляцияда намойиш этилади.

Холифилд (44-10-2, 29КО) 2011 йилда охирги марта Брайан Нелсонни нокаутга учратгач, фаолиятини якунлаган эди. У Майк Тайсонга қарши кўргазмали жангда рингга кўтарилиши бўйича музокара ўтказиб, охир-оқибат Тайсон Рой Жонс билан жанг қилган эди.

Мак Брайд (35-10-1, 29КО) энг ёрқин баҳси 2005 йилда Майк Тайсон устидан 6-раундда муддатидан олдин ғалабаси бўлган. 2011 йилда Мариус Уашдан мағлубиятга учраб фаолиятини якунлаган эди.