Агентлар Англиянинг уч грандидан Винисиусни олишни сўради

“Реал”нинг бразилиялик ҳужумчиси Винисиус Жуниорнинг клубдаги келажаги мавҳумлигича қолмоқда. Нуфузли манбалар 25 ёшли футболчи “Қироллик клуби” билан  шартномани узайтириш масаласида иккилана бошлаганини ёзди.

Сабаби, Винисиус клуб фанатлари уни ёқтирмаётганини сезиб қолган. “Севилья”га қарши ўтказилган учрашувда “Сантьяго Бернабеу”ни тўлдирган мухлислар унга нисбатан ҳуштакбозлик қилишди.

Винисиус ёзда бошқа клубга ўтиб кетиши мумкин. TEAMtalk нашрининг таъкидлашича, Винисиуснинг манфаатларини ҳимоя қилаётган агентлар ва воситалар унга янги иш қидирмоқда.

Сўнгги маълумотларга қараганда, Винисиуснинг агентлари футболчининг хизматларини Англия Премьер-лигасининг учта етакчи клуби – “Манчестер Сити”, “Ливерпуль” ва “Челси” таклиф қилган.

Ўз навбатида, “Реал” раҳбарияти ҳам жорий мавсум давомида Винисиус билан янги шартнома имзоланмаса, футболчини ёзда сотиб юборишга тайёрлиги айтилмоқда.