АГМК Мурод Тошматов билан шартномани узайтирди

АГМК клуби ўзининг етакчилари билан шартномаларни узайтиришда давом этяпти. Бу борада клуб матбуот хизмати шундай хабар қилади:

“АГМК жамоасининг универсал қанот футболчиси, икки мавсумдан буён жамоанинг энг яхши ассистенти бўлаётган Муроджон Тошматов клуб билан ўзаро келишган ҳолда 2023 йилги мавсум якунига қадар мўлжалланган шартномага имзо чекди”.

Бир неча йилдан бери АГМК шарафини ҳимоя қилиб келаётган Тошматов жорий чемпионатда олмалиқликлар таркибида 24 та учрашувда майдонга тушди.