АГМК янги мавсум учун дастлабки йиғинини бошлади

Чемпионатни яна учинчи ўринда тугатган АГМК жамоаси олдиндан режалаштирганидек, бугундан янги мавсум учун машғулотларини бошлади.

Клуб матбуот хизматининг хабарига қараганда, асосий таркиб футболчилари дастлабки кунги машғулотларни мураббийлар штаби томонидан берилган махсус енгил чигалёзди машқлари орқали бошлашган.

Дастлабки йиғин 30 декабрга қадар Тошкентда олиб борилиши кўзда тутилган.

Ҳозирда жамоанинг легионерлари йўқ. Маълум бўлишича, улар кейинроқ йиғинга қўшилишади.

Шунингдек, АГМК матбуот хизмати таркибдаги ўзгаришлар ва трансферлар ҳақида кейинроқ маълумот берилишини ҳам қўшимча қилиб ўтган.