Академик эшкак эшувчиларимиз термамизга медаллар шодасини тақдим этди

Академик эшкак эшувчиларимиз Осиё ўйинларидаги иштирокларини якунлашди. Спортчиларимиз мусобақа давомида 2 та олтин, 4 та кумуш ва 1 та бронза медалларини қўлга киритиб, мазкур дастурда Хитойдан сўнг иккинчи ўринни эгаллашди.

М4х дастурида стартга чиққан Шаҳзод Нурматов, Шаҳбоз Холмирзаев, Меҳрожбек Маматқулов ва Собиржон Сафаралиев кумуш медални қўлга киритган бўлса, Шеҳроз Ҳакимов, Давржон Давронов, Дилшоджон Худойбердиев ва Алишер Турдиев бугун М4- дастурида ажойиб иштирок этиб, шоҳсупанинг энг юқори поғонасига кўтарилишди

Шунингдек, Анна Пракатен яккалик дастурида термамизга олтин медаль тақдим этди.