Акмал Мозговой: "Пенальтилар сериясида омадимиз келиб ғалаба қозондик"

Ўзбекистон миллий терма жамоаси ярим ҳимоячиси Акмал Мозговой Эронга қарши финал учрашувидан сўнг ўйин ҳақида ўз фикрлари билан ўртоқлашди. 
 
"Авваламбор ассалому алайкум. Ўйин жуда оғир кечди. Бир киши кам бўла туриб, иродали ҳаракат қилдик ва пенальтилар сериясида омадимиз келиб, ғалаба қозондик. Бу ҳар доим ҳаяжонли бўлади. Омадимиз келди ва биз кубокни кўтардик. 
 
Ўзи менинг навбатим эди, тепдим ва гол урдим (кулади). Шунингдек, ўйиндан аввал биз кўпроқ зич ўйнаб, рақибга зона қолдирмаслигимиз кераклигини айтишди", - дея айтиб ўтди терма жамоамиз футболчиси. 
 
Эслатиб ўтамиз, миллий терма жамоамиз "Al Ain International Cup" турнирининг финал учрашувида Эрон терма жамоаси билан тўқнаш келиб, пенальтилар сериясида ғалаба қозонди. Ўйиннинг асосий вақтида эса 0:0 ҳисоби қайд этилди.