Акмал Шораҳмедов "Нефтчи"дами?

Тажрибали ҳимоячи Акмал Шораҳмедовнинг АГМК билан тузган шартномаси якунига етгани сабабли ҳозирда у эркин агент мақомида бўлиб турибди.

Яқинда футболчининг ўзи жароҳатини даволатаётгани ҳақида айтганди. Албатта, Шораҳмедовнинг янги мавсумни қаерда давом эттириши мухлисларни қизиқтирмоқда. Унинг ҳали АГМК жамоасига қўшилмагани сабабли фаолиятини бошқа клубда давом эттириши борасида гап-сўзлар йўқ эмас.

Шуниси аниқки, Шораҳмедовни ўз сафида кўришни хоҳлаётган бир қатор клублар бор. Масалан, “Нефтчи” ҳам унга жиддий қизиқиш билдирмоқда. Футболчининг фарғоналикларнинг Тошкентдаги йиғинида иштирок этаётгани борасида ҳам маълумотлар бор.

Ушбу вазиятга sports.uzнинг аниқлик киритишича, Шораҳмедов жароҳатдан кейин жисмоний томондан юкламалар олиш мақсадида “Нефтчи”нинг сербиялик мураббийи билан индивидуал жиҳатдан алоҳида ишлаётгани аён бўлди.

Тез орада Акмал Шораҳмедов фаолиятини қаерда давом эттириши борасида бир қарорга келади.