"Al-Hilol" ustozi: "Bu narsa sodir bo‘lishi mumkin deb gumon qilgandim"

Elit Osiyo chempionlar ligasining 4-turida "Istiqlol" "Al-Hilol"ga qarshi o‘ynab, 3:0 hisobida mag‘lub bo‘ldi. Uchrashuvdan so‘ng Jorje Jezush Neymarning yangi jarohati haqida gapirdi.

"Men Neymarni chempionat o‘yinlarida tarkibiga kiritmadim, chunki bu narsa sodir bo‘lishi mumkin deb gumon qilgandim. Unda og‘ir jarohat bor edi", - dedi portugaliyalik mutaxassis.

"Istiqlol"ga qarshi bahsda braziliyalik hujumchi zaxiradan maydonga tushdi va uchrashuvni yakunlay olmadi. Eslatib o‘tamiz, braziliyalik yaqinda "Al-Ayn"ga qarshi uchrashuvda maydonga qaytgan edi.