"Ал-Иттиҳод" бош мураббийи: "Тўғри, автогол эвазига ютдик, лекин биз бунга лойиқ эдик"

ОЧЛ нимчорак финалидан ўрин олган "Ал-Иттиҳод" - "Навбаҳор" баҳси мезбонларнинг 2:1 ҳисобидаги ғалабаси билан тугади. Ўйиндан кейин Марсело Гальярдо ўз фикрлари билан ўртоқлашди. 

"Мақсадимиз ғалаба қозониш эди ва 20-дақиқанинг ўзидаёқ майдонда ким кучли эканлиги маълум эди. Дастлабки гол аламли бўлди, лекин жамоанинг иродали ўйини менга ёқди. Тўғри, ғалаба голи ҳам автогол орқали содир бўлди. Аммо бунга биз лойиқ эдик. Бугун кўплаб вазиятлар яратдик, бироқ улардан фойдалана олмадик. Бензема ва Ҳамдаллаҳ дуети иш берди", - деди аргентиналик мутахассис.  

Эслатиб ўтамиз, "Ал-Иттиҳод"ни кейинги босқичда "Сепахон" - "Ал-Ҳилол" тўқнашувнинг ғолиби кутмоқда.