«Ал-Наср» Криштиану Роналду бўйича қарор қабул қилди

Саудиянинг «Аль-Наср» клуби сардори ва етакчи ҳужумчиси Криштиану Роналду жамоанинг кетма-кет иккинчи ўйинини ҳам ўтказиб юбориши кутилмоқда, деб хабар бермоқда Sports.kz.

Al Nassr Zone манбасига кўра, португалиялик юлдуз Саудия Арабистони Чемпионлар Кубоги доирасидаги навбатдаги учрашувда – «Аль-Дирия»га қарши баҳсда майдонга тушмайди. Ушбу ўйин 18 август куни бўлиб ўтади.

Бундан аввал, 41 ёшли Криштиану Саудия Про-лигасининг старт туридаги «Аль-Фатех»га қарши беллашувда (3:0) иштирок этмаган эди. Шунга қарамасдан, учрашув олдидан у кийиниш хонасида жамоадошларига руҳий кўмак бериб, уларни ғалабага руҳлантиргани айтилмоқда.

Ўтган мавсумда Криштиану Роналду «Аль-Наср» сафида барча мусобақалар доирасида 37 та ўйин ўтказиб, 30 та гол урди ва уч марта голли узатма берди.