"Атлетико" Альваресни зўр ҳужумчига алмаштирмоқчи

Аргентина терма жамоаси ҳужумчиси Хулиан Альварес ва «Атлетико» учун юзага келган мураккаб вазиятдан чиқиш йўли сифатида унинг Лондоннинг «Арсенал» клубига ўтиши кўрилмоқда.

Бу ҳақда Испаниянинг AS нашри ёзмоқда. Нашр таҳлилига кўра, «матрасчилар»нинг энг самарали ҳужумчиларидан бири ҳисобланган Альварес ёз давомида «Барселона»га ўтиш учун фаол ҳаракат қилди. Бироқ «Атлетико» Испания чемпионатидаги тўғридан-тўғри рақибини кучайтиришни истамади ва 100 миллион евро миқдоридаги таклифни ҳам рад этди.

23 август куни аргентиналик форвард «Атлетико»нинг «Вильярреал»га қарши уй учрашувида захирадан майдонга тушди. Мадрид мухлислари уни кучли свист билан кутиб олди, бу эса вазият янада кескинлашганини кўрсатди. Шу ҳафта у кетма-кет икки кун машғулотларда иштирок этмади, клубга соғлиги билан боғлиқ муаммоларни баҳона қилди.

Журналистлар фикрича, шундай шароитда «Атлетико» трансфер ойнаси ёпилишидан олдин Альваресни Лондоннинг «Арсенал» клуби ҳужумчиси, Швеция терма жамоаси аъзоси Виктор Дьёкерешга алмаштириш вариантни кўриб чиқиши мумкин. «Канонирлар» аргентиналик футболчини ўтган йили ҳам сотиб олишга уринган, аммо ўшанда мадридликлар бу таклифни рад этган эди.