Альба: "Мессини "Камп Ноу"да қадрлашлари керак"

"Барселона"нинг собиқ ҳимоячиси ва "Интер Майами"да Лионель Мессининг жамоадоши Жорди Альба аргентиналик футболчини "блауграналиклар" стадионида қадрлашлари керак деб ҳисоблайди.

"У ўзини ҳурмат билан муносиб эътиборга сазовор бўлишини истайди ва мен умид қиламанки, бу амалга ошади. У бунга муносиб, бу эса ажойиб байрам бўлади.

Ҳамма бу лаҳзани кутяпти. У тарихдаги энг яхши футболчи ва "Камп Ноу" унинг энергиясини яна ҳис қилишга ҳақли", – дея таъриф бериб ўтди испаниялик футболчи.

Маълумот ўрнида, яқинда Месси "Камп Ноу" стадионига ташриф буюрган эди.