Альба: Пике учун соврин ютишга бор кучимизни ишга соламиз

"Барселона" ҳимоячиси Хорди Альба фаолиятини якунлаган жамоадоши Жерар Пике ҳақида фикр билдирди.

– Ғалати туйғу. Бу "Барселона" футболчилари ва барча каталонияликлар учун қайғули лаҳза. Жерарнинг кетиши ачинарли, сабаби у клуб учун жуда кўп иш қилган.

Мен уни жуда яхши биланман. У танимаган одамлари билан совуққон, лекин яқинлари билан анча самимий. Унинг йиғлашини билгандим. Пикенинг яқинлари бу қарорини билишган, лекин қачон эълон қилиши номаълум эди. 

У "Барса"га кўп нарса берди, клуб эса унга. Биз уни соғиниб қоламиз. Энди соврин ютиш учун бор кучимизни ишга соламиз. Биз буни Пикега бағишламоқчимиз", - деди футболчи.