Алдервейрелд ва Ламела қачон сафга қайтади?

“Тоттенхэм” бош мураббийи Жозе Моуриньо “Манчестер Сити”га (2:0) қарши ўйинда мушакларидан жароҳат олган ҳимоячи Тоби Алдервейрелд ва ярим ҳимоячи Эрик Ламеланинг тикланиш жараёни қандай кетаётгани ҳақида ўз фикрини билдириб ўтди.

“Алдервейрелд тахминан икки ҳафта майдонга тушолмайди. Ламела эса бугун, эрта ёки якшанба куни сафга қайтмайди. Агар у якшанбагача соғайса, бундан ҳайрон қолардим. Шунинг учун у бу ҳафта сафга қайтмаслигини айтмоқчиман”, - деди португалиялик мутахассис.