Александр Усик: “Cиёсатга кириб, ўғирлик қилиш ниятим йўқ”

38 ёшли мутлақ жаҳон чемпиони Александр Усик сиёсатга кириш нияти йўқлигини маълум қилди. 

“Мен сиёсатга кириб нима қиламан? Менга бу керак эмас. Агар сиёсатчи ёки мер бўлсам, кимга ҳам ёрдамим тегарди?! Мен бу соҳада ўқимагаман, юридик билимим ҳам йўқ. Сиёсатга кўп ҳолларда ўғирлашни истайдиганлар киради. Мен эса ўғирлик қилмоқчи эмасман. Худога шукур, менда ҳаммаси бор. Буларни ўзим ишлаб топганман ва энди уларни бошқа йўналишда кўпайтиришни истайман”, — деди боксчи украин оммавий ахборот воситаларига берган интервьюсида.

Эслатиб ўтамиз, Усик 26 июль куни бўлиб ўтган катта бокс оқшомида Даниэль Дюбуани 5-раундда нокаутга учратган эди.