Aleksandr Usik professional boksdan ketish niyatini e'lon qildi, ammo...

WBC, IBF, WBA Super, IBO va The Ring yo‘nalishlari chempioni Aleksandr Usik professional bokschdan ketish niyatini e’lon qildi, ammo darhol emas.

"Men Deontey Uaylder bilan jang qilishni xohlayman. Menimcha, u ham buni istaydi. Yana ikki yoki uchta bahsdan so‘ng, professional kar’yeramni yakunlasam bo‘ladi", – deb ukrainalikning so‘zlarini keltirdi "The Ring" nashri.

Eslatib o‘tamiz, Usik oxirgi jangida Daniel Dyubuanini 5-raundda nokautga uchratdi. Uaylder esa Tayrell Herndonni 7-raundda texnik nokaut bilan mag‘lub etdi.