Александр Усикнинг чемпионлик камарларидан воз кечгани яхши бўлди

Таниқли промотер Эдди Хирн украиналик боксчи Александр Усикнинг чемпионлик камарларини бўш қолдириш қарорини қўллаб-қувватлади.

"Бу қарор даъвогарлар ва дивизион учун ажойиб янгилик, чунки тез орада кўплаб қизиқарли жангларни кўрамиз, деб ўйлайман. WBA га қарайдиган бўлсак, унда Гассиев ва Жаррелл Миллер жаҳон чемпиони унвони учун курашмоқда. IBF да эса Франк Санчес... Кейин бизда Уордли, Дюбуа ва Итаума ҳам бор. 

Ҳозир шундай вазият юзага келадики, бизда тўртта жаҳон чемпиони бўлиши мумкин ва агар улар бир-бири билан жанг қилишса, нима бўлишини ўйлаб кўринг! Булар унчалик машҳур номлар эмас, бироқ биз бир нечта ҳаяжонли, бирлаштирувчи жангларни кўришимиз мумкин", - дея Хирннинг сўзларини келтирди "SecondsOut".