Александр Усикнинг кейинги жанги уруш сабаб бекор бўлиши мумкин

Хабарингиз бор, айни пайтда давом этаётган АҚШ ва Эрон ўртасидаги можаролар Яқин Шарқда беқарор вазиятни келтириб чиқармоқда.

Шу боис украиналик чарм қўлқоп устаси Александр Усик Glory собиқ чемпиони Рико Верховенга қарши бокс жангини кейинга қолдириши мумкин.

"Жамоа 100% Б режасини кўриб чиқмоқда, лекин мен бу ҳақда умуман ўйламаяпман. Машғулот ўтказишим кераклигини биламан ва агар жанг ташкилотчилиги билан боғлиқ муаммо юз берса, жамоамга хабар беришади. Шундан сўнг вазиятга қараб иш тутамиз", - дея боксчининг сўзларини келтирди "Suspilne Sport".

Эслатиб ўтамиз, Александр Усик ва Рико Верховен 23 май куни Миср пирамидаларида ўзаро тўқнаш келиши режалаштирилган.