Алиссон: "Анчелотти президентдан ҳам кўпроқ босим ҳис қилиши мумкин"

Бразилия терма жамоаси дарвозабони Алиссон Бекер миллий жамоа бош мураббийи Карло Анчелоттининг масъулияти ҳақида фикр билдирди.

Тажрибали посбоннинг таъкидлашича, Бразилия терма жамоасини бошқариш даражасидаги босим баъзан мамлакат президентиникидан ҳам юқори бўлиши мумкин.

"Анчелоттининг лавозимида эҳтимол мамлакат президентидан ҳам кўпроқ босимни ҳис қиласан", — деди Алиссон.

Эслатиб ўтамиз, Карло Анчелотти Жаҳон чемпионатида Бразилия терма жамоасини бошқармоқда. Жамоа мусобақадаги илк учрашувини 14 июнь куни Марокаш терма жамоасига қарши ўтказади.