“Allegri out”. "Yuventus" muxlislar jahl otiga minishdi

“Allegri out” xeshtegi ijtimoiy tarmoqlarda yana mashhur bo‘ldi. “Yuventus” muxlislari ushbu heshtegdan foydalanib, jamoa bosh murabbiyiga bosimini kuchaytirmoqda. “Keksa sinora”, kecha “Milan” mehmoni bo‘lib, 0:2 hisobida mag‘lub bo‘ldi. Turinliklar ayni paytda A Seriya turnir jadvalida sakkizinchi o‘rinni egallab turibdi.

Bir necha hafta oldin matbuotda Massimiliano Allegrining "Yuventus"dan ketishi mumkinligi haqida xabarlar tarqalgan edi. Biroq Turin klubi rahbarlari murabbiyni almashtirmaslikka qaror qilishdi. Mish-mishlarga ko‘ra, klub bunday qarorga kelishiga moliyaviy holat sabab bo‘lgan. Boisi, Allegrining iste’fosi katta xarajatlarni talab qiladi.