Алонсо: Шу юлдузни оламан, иккитанг кетасан!

“Реал”ни қабул қилиб олганидан бери жамоа таркибини ўз ўйин услубига мослаштиришга ҳаракат қилаётган Хаби Алонсо ўзига керак бўлган яна бир футболчини олишга уриниб кўради.

Fichajes нашрининг маълум қилишича, испаниялик мураббий ўз жамоасида айни пайтда “Бавария” шарафини ҳимоя қилаётган Майкл Олисени кўрмоқчи.

Манбага кўра, Хаби Алонсо жамоада Винисиус Жуниор, Килиан Мбаппе ва Майкл Олиседан иборат ҳужум учлигини ташкил қилишни мўлжаллаган.

Трансферлар бўйича мутахассисларнинг таъкидлашича, Европанинг қатор грандлари нишонида турган Олисени олиш осон бўлмайди. Бундан ташқари, Мюнхен суперклуби франциялик футболчи трансфери учун 100 миллион евродан кўп пул талаб қилади.

Экспертлар агар Хаби Алонсо Майкл Олисени қўлга киритса, унинг позицияда ўйнайдиган Родриго ва Браим Диас ўзига бошқа жамоа топишига тўғри келади. 23 ёшли Олисенинг “Бавария” билан шартномаси 2029 йилнинг ёзигача амал қилади.