Алонсонинг фикрича "Реал"га яна 2 та янги футболчи керак

Хаби Алонсонинг фикрича, "Реал"га яна янги футболчилар керак.

Бу ёзда Мадрид жамоаси сафига ҳимоячилар Трент Александер-Арнольд, Альваро Карреарас ва Дин Хейсен, шунингдек, қанот ҳужумчиси Франко Мастантуоно қўшилди.

Бироқ, "Реал" бош мураббийи таркибни янада яхшилаш имконияти бор деб ҳисобламоқда. Алонсо ва унинг жамоаси яна икки нафар янги ўйинчини қўшиб олишни истайди - агар Родриго клубни тарк этса, улардан бири бразилиялик футболчи ўрнини эгаллаши мумкин.

Шу билан бирга, "Реал" раҳбарияти таркиб испаниялик мураббий учун шакллантирилган деб ҳисобламоқда.

Яқинда клуб билан мулоқотда бўлган манбаларнинг таъкидлашича, мадридликлар ярим ҳимоя чизиғини кучайтириш вариантларини ўрганишган, бироқ номзодларнинг ҳеч бири тўлиқ ишонч уйғотмаган. Шу билан бирга, клубдаги манбалар янги трансферларни кутмаслик кераклигини ва Алонсо мавжуд футболчиларга мослашиши лозимлигини таъкидламоқда.