Альварес "Барселона" билан боғлиқ хабарларга жавоб берди

"Атлетико Мадрид" футболчиси Хулиан Альваресга "Барселона" клуби қизиқиш билдиргани ҳақида ОАВ орқали хабарлар тарқалди. Ҳужумчининг ўзи бу ҳолатга муносабат билдирди.

"Мен жуда хотиржамман. Ҳар доим турли гап-сўзлар бўлади, аммо ростини айтсам, мавсум эндигина бошланяпти. Менинг бор эътиборим "Атлетико Мадрид"га ва  ҳар куни ўзимни яхшилашга қаратилган. Менинг хаёлимдаги ягона нарса шу. Ижтимоий тармоқлардаги хабарларга эса аҳамият бермайман", — деди Альварес.

Маълумот учун, аргентиналик футболчининг "матрасчилар" билан тузган шартномаси 2030 йилнинг ёзига қадар амал қилади. Хулианнинг "Transfermarkt" порталидаги баҳоси 100 миллион еврони ташкил этади.