Аморим, бу футболчини тезроқ йўқот!

Англия футболи мутахассисларидан Бен Фостер “Манчестер Юнайтед” бош мураббийи Рубен Аморимга нидерландиялик ҳужумчи Жошуа Зиркзеедан тезроқ қутилишни маслаҳат берди.

Чунки “Ньюкасл”га қарши ўйиннинг 33-дақиқасида захирага олинган Зиркзее дарров ичкарига кириб кетди. Сэр Алекс Фергюсон қўл остида беш йил ўйнаган Бен Фостер машҳур мураббий бунақа қилиқларни кечирмаслигини айтди.

- Агар сэр Алекс даврида кимдир шундай қилса, унинг жамоадаги фаолиятига нуқта қўйилар эди. Унинг кимлиги муҳим эмас. Ўйинчи захирага олинганидан кейин кийим алиштириш хонасига кириб кетиши тўғри эмас.

Зиркзее у ерга кирганидан кейин кимдир уни захира ўриндиғига қайтариб юборганидан кейин жойига қайтганига аминман.

Бу ўта хунук ҳолат. Унга ачиндим. Ўша пайт “Олд Траффорд”даги муҳит даҳшатли эди. Жамоа ютқазаётган эди. Йозуа майдондаги 11 муаммодан бири эди, - деди Бен Фостер.